話說香江消防死機之際，普天村救火大隊恰巧遇上同一故障。

村民：喂，救火大隊啊，普天村同慶小徑七號屋發生火警，快啲來救人救火啊！

總部：好好好，來來來……弊！調派系統老化了，失驚無神又瓜柴！要改用人手調派消防車，連救護車都慢好多o架，你等一等呀。

村民：有冇搞錯，救火救人，十萬火急，成班災民被困火場，等得來都冇命啦！喂，聽講你哋個調派系統○五年引入o架喎，咁快老化嘅？三兩日就壞一次，點解唔換新系統呢？

總部：冇辦法啦，救火大隊資金有限，好鋼必須用在刀刃上，家陣普天村政府嘅首要任務係打壓新聞自由，大部分資源撥咗去搞數碼化熄機大計，截斷傳媒消息來源，結果熄來熄去，截來截去，熄機變咗死機。嘻嘻，人命如草芥，你冷靜啲啦。

村民：唉，同你講都嘥氣！咁啦，畀你哋大隊長電話過我，上次佢喺消防局開私人派對，我都有來參加，大家有兩句o架。我直接叫佢來救人！

總部：都話打壓新聞自由高於一切咯，上頭接到柯打，要集中火力對付正義傳媒，大隊長去咗滋擾傳媒，唔得閒理呢啲小事咯。

村民：※◎】§○【

以上故事，純屬虛構，若有雷同，未必巧合。