政壇：容永祺紐約歎勁量龍蝦餐
勁量級龍蝦當前，容永祺（左）、太太（右）同世姪女（中）胃口大開。（受訪者提供）
香港專業及資深行政人員協會創會會長Samuel容永祺，六月忙到只有三日喺香港，短短一個月內，佢飛勻夏威夷、費城、紐約、新加坡等地公幹，尾程再飛去澳洲度假。
勁量級龍蝦當前，容永祺（左）、太太（右）同世姪女（中）胃口大開。（受訪者提供）
身為保險公司高層嘅Samuel飛美國公幹已唔係第一次，但講到紐約，佢就二十幾年無去過。重遊舊地，咁蹺有個世姪女Karen喺當地做牙醫，「搵食」無難度。
佢哋先去第五大道品嘗勁量級龍蝦餐，蝦身重達二十五磅，單係食蝦鉗，已飽到上心口，但轉個頭又走入另一間食店歎十二磅重阿拉斯加長腳蟹。
