政壇：陳國威鼓勵寫出正能量
陳國威希望年輕人繼續發揮創意，寫多啲作品。（資料圖片）
俗語話「開卷有益」，新鴻基地產執行董事兼首席財務總監Patrick陳國威平日都睇好多書，加上身為上市公司管理層之一，睇嘅書唔多唔少同日常工作拉上關係，好似《Leadership》同《領導就是喚醒生命》都係佢嘅推介。
陳國威希望年輕人繼續發揮創意，寫多啲作品。（資料圖片）
Patrick話後生時掛住工作，睇嘅書都係圍繞工作，近年就睇多啲外國嘅消閒書，佢重推介美國作家米奇．艾爾邦嘅長篇小說《Tuesday with Morrie》。故事係根據真人真事改編而成，講主角重遇大學恩師，發現恩師身患絕症，喺恩師教授最後嘅十四堂課程入面，令到性格好功利嘅主角改變咗好多，亦體會咗好多道理。
新地連續四年舉行年輕作家創作比賽，資助咗三十三位具潛質同有志做作家嘅年輕人出版首部著作，今屆更首次將活動伸延至內地。佢哋尋日搞咗個頒獎禮，Patrick希望參加者透過作品發放青春正能量。
