政壇：愛心大使派剩包行善
「愛包行動」昨舉行啟動禮。
社會近期推動「惜食」文化，而美心集團與「小寶慈善基金」及東華三院尋日聯手發起「愛包行動」，呼籲全港企業及大專學生齊加入義工行列，協助將美心西餅分店剩餘嘅麵包，直接送到東華三院旗下院舍。
「愛包行動」昨舉行啟動禮。
美心集團西餅、美心產品總經理李文賢話，美心已號召十九間門市加入愛包行動，亦會呼籲旗下一萬九千名員工加入做「派包大使」。小寶慈善基金行政總監陳妙瑜就話派包需要大量義工，有興趣人士可組成二至五人義工組後上網登記，揀好參與日期同路線後，喺當日去指定嘅美心西餅分店收集剩餘麵包後，直接派去有關嘅東華三院屬下院舍就得喇。
