City Snapshot：周伯展喜事近
周伯展醫生係醫管局主席人選之一。
胡定旭做咗醫院管理局主席九年，十一月任期屆滿，外界好關注乜嘢人接棒。肥胡前晚出席公共醫療醫生協會及政府醫生協會周年晚宴，期間突然拉埋醫學會副會長周伯展走向記者，仲叫大家唔好問點解，總之同周醫生飲杯先，然後爆出：「十日內如果你哋無嘢要恭喜周醫生，我飲十倍！」周醫生一味笑住話唔知有乜嘢好恭喜。周醫生一度傳過係醫管局主席人選之一，肥胡此時講呢番話惹人聯想。
周伯展醫生係醫管局主席人選之一。
