City Snapshot：王守業夫人優雅Look買餸
道別
大熱天時行街真係幾難受ｏ架，日前喺中環遇到大新銀行主席王守業夫人嚴君琴，當時佢着住長袖套裝裙，真係睇見都覺得熱，好彩佢全程都喺冷氣中進行，先可保持優美嘅儀態。
道別
嚴選
畀錢
當日下午茶時間，見到王太同一名金髮女士現身太子大廈，當時佢哋停喺一間時裝店外，一同望向該店嘅櫥窗研究靚衫，女友人更不時講到手舞足蹈，王太就好留心咁聽。傾咗幾分鐘，王太笑住同友人揮手道別，之後獨自乘扶手電梯，上去二樓嘅超級市場。
為乖孫煮大餐
王太步入超市，隨即喺門口攞咗一架手推車準備購物。見佢行勻超市每個專櫃，精心挑選各種蔬果肉類，似乎係要親自下廚噃。記者上前同佢打招呼，原來佢話正打算買啲新鮮食材，返屋企整餐豐富大餐畀孫仔食。對乖孫愛護有加嘅佢，年年都會帶埋孫仔去旅行，佢話今年決定去泰國度假，享受吓陽光與海灘喎！
