政壇：衛哲無悔離阿里巴巴
衛哲
全世界嘅證券市場，都（目及）住阿里巴巴會揀邊度上市。阿里情歸何處，對香港好緊要ｏ架，正如會計師行安永所講，阿里集資額可能達千億元，如果好彩喺香港上市嘅話，可以將香港今年嘅新股集資額倍增到二千億元。
衛哲
對於依家係咪阿里上市好時機，阿里前總裁David衛哲話阿里係一間實力雄厚公司，幾時上市都no problem；參考舊年第四季雅虎季績，阿里若有二十至三十倍市盈率亦屬合理。佢仲話，最終去邊度上市，要睇阿里定位，若果其着重「電子」呢part，美國係理想地點，相反若更倚重「商務」，則香港應該係首選。
阿里整體上市無疑係佢哋嘅重大里程碑，曾係馬雲左右手嘅David卻無份參與，會唔會留下遺憾呢？David就話：「正如我做唔到美國總統，人總有啲嘢做唔到嘅，如果我唔走，依家亦都唔會做基金經理睇住咁多間互聯網公司！人應該睇得到啲咩，總好過緬懷失去啲咩。」仲話雙方依然係朋友添。
