政壇：陳有慶獲科大院士銜
陳有慶（前左）獲科大頒榮譽大學院士，太太沈時芬（前右）同家人齊到賀。
科技大學尋日頒授榮譽大學院士予亞洲金融集團及亞洲保險董事長陳有慶同著名小提琴家西崎崇子等，以表揚佢哋對科大嘅傑出貢獻。陳有慶喜獲殊榮，陳家上下開心到極，兒子陳智思更一家四口總動員撐場，三代同堂好溫馨。
陳有慶（前左）獲科大頒榮譽大學院士，太太沈時芬（前右）同家人齊到賀。
陳有慶擔任過七年科大校董會成員，至今仍係顧問委員會榮譽委員。睇唔出佢同太太陳沈時芬已八十一歲，問佢哋有乜保養心得？陳太教路，日日保持心境開朗，飲食清淡啲，健康自然有。夫婦結婚六十一年依然恩愛，陳太甜笑話，夫婦之間有爭執，老公會唔出聲，咁就冇交嗌喇。佢自己一嬲就會去畫畫，仲試過繪畫領呔送畀老公添。
