政壇：貪湯臭名遠播英國
梁繼昌（右）向英國國會介紹「貪湯」早前出席帳委會會議。（受訪者提供）
前廉政專員「貪湯」湯顯明被揭連串貪腐醜聞，連香港前宗主國英國都知道，事關正喺英國嘅立法會會計界議員梁繼昌尋日介紹貪湯早前「賴皮」回應議員提問情況。貪湯「貪名遠播」，香港廉潔清譽真係畀佢一鋪清袋！
梁繼昌（右）向英國國會介紹「貪湯」早前出席帳委會會議。（受訪者提供）
話說梁繼昌早前應英國下議院邀請到訪英國，尋日喺訪問行程即將結束前，以立會政府帳目委員會委員身份擔任主講嘉賓，首先介紹立法會大樓內外景觀，之後有自製投影片，播出貪湯早前出席政府帳目委員會公開聆訊情況，仲播咗十分鐘咁耐添。不過，佢席間對貪湯無加以批評，事關依家帳委會完成公開聆訊後仲未撰寫報告，所以佢不便對此加以評論。佢雖無評論，但咁多話題都唔揀特別揀貪湯，當中都有價值判斷啦。
