次世代生活圈：職場自由人
不當棋子，工作由我話事，80後職場新星，出走大公司，當上自由工作者。他們高喊，事業上首個黃金十年，豈可浪費！不受公司規矩限制，不為他人成果而活，拿回生活遙控器，自選人生好節目，用盡一分一秒，為自己爆發小宇宙。
Samantha
對Samantha來說，化妝品是必需品，隨身攜帶，以便用最佳狀態，出席各活動，認識新朋友。
為每項活動訂立時間表，Samantha雖生活自由，但亦確保工作按進度而行。
工作是為自己，不是為公司，Samantha認為要把握時間，為自己而活。
「我想掌握自己生活，用所有時間為自己向前衝。」二十多歲Samantha本是名牌公司的傳媒公關，但她毅然辭職，今年三月起以自由身接工作，統籌各項活動，出唱片封面、替畫廊宣傳，「自己想做咩就做咩。」生活多姿多采，工作效率有增無減，「時間好靈活，可以一邊同人下午茶，一邊開會，啲氣氛仲好過喺公司。」
對比昔日，她形容︰「你喺公司，只係人哋嘅工具，上司定咗工作流程，你只係執行人哋嗰一套，完全無發揮空間，又唔係賺到錢，每年加你幾千已經好好，但你幾時先加多一萬。朝九晚五，生活穩定係好，但你要搵大錢，就要承擔風險。」
成果百分百歸自己
在她的圈子裏，脫離打工仔行列才是主流。「畫畫、設計、賣衫，我八成朋友都係做freelance。」她分析，互聯網興起，找資料、接觸客戶及交易的成本降低都是催化劑，「一個人都可以開公司，何況做freelance。」
不過，自由決不是懶下來的藉口，她說︰「我哋接工作主要靠朋友介紹，但你都要交到貨，做到嘢先得。你一唔勤力，只係為咗舒適、享受生活，別人自然少介紹工作畀你，你就會被淘汰。」
「好多時要製造機會畀自己，搵人、搵收入、搵資源全部自己嚟。」Samantha晚晚安排自己出席各大活動，認識新朋友，「有時都好攰，但你要畀人哋了解你做緊乜嘢，呢個世界上有好多人可以幫你，但係你都要開口。」開盡「摩打」，生活比以前更辛苦。不過她說，成果百分百歸自己，再辛苦都有動力。
