City Shapshot：鮮忌廉戴墨超開飯
黃錢其濂（左）食飯都戴住墨超，成個大明星咁款，佢仲同友人傾得好興奮。
有「政壇鳳凰女」之稱嘅前高官「鮮忌廉」黃錢其濂，退休後曾與澳籍華人老公移居澳洲，過住啲優哉游哉嘅生活。直至前年佢回歸香港，獲一間補習社垂青擔任補習天后，仲出書教港人脫離港式英語。有工作寄託又唔使返朝九晚五嘅佢，日子過得既充實又寫意。
黃錢其濂（左）食飯都戴住墨超，成個大明星咁款，佢仲同友人傾得好興奮。
黃錢其濂（中）同老公（右）孖住現身餐廳，同女友人喺中環撐枱腳。
日前喺中環見到鮮忌廉拖埋老公同一名女友人食晏。一向愛打扮嘅佢，就連食緊飯都戴住副大墨超，好似大明星出巡咁。見鮮忌廉同坐喺對面嘅女友人傾得好投契，傾傾吓佢仲開始手舞足蹈，七情上面。坐喺佢身邊嘅老公冇插嘴，但好細心咁聆聽二人對話。
大約一個鐘後，眾人起身離開，臨別前鮮忌廉同女友人似乎依依不捨，最後握手道別。記者上前同鮮忌廉打招呼，佢話女友人咁啱喺外國返嚟，當然由自己做東。佢笑笑口咁話難得出到嚟，打算同老公行陣街，再坐船返回位於愉景灣嘅住所。
