透視鏡：摷金塔搵食 野豬「煩死人」
野豬來襲，蹂躪墳地，毀壞金塔，先人駭骨暴曬荒野。有蒲台島居民月前返島，赫見先人墳地慘遭野豬破壞，部分骸骨不知所終；另一邊廂野豬亦在市區四竄，豬蹤頻現鰂魚涌，威脅居民安全。近年漁署接獲的野豬投訴急升，野豬狩獵隊人手捉襟見肘做到無停手。
野豬繁殖率高，要控制數量並不容易。
B嬸指野豬破壞先人金塔，一個人頭骨至今仍未找回。
野豬狩獵隊
蒲台島野豬為患，有先人金塔被打開覓食。
鰂魚涌一個大型屋苑居民，有住戶曾目睹野豬在屋苑內出沒。
政府有責
蔡小姐：「野豬走咗落山，可能因為附近有人餵流浪貓狗時，留低食物殘渣，所以政府應提醒市民唔好餵流浪貓狗。」
江小姐：「野豬棲息嘅地方太接近民居，可能會威脅附近居民安全，應該搵專業人士驅趕佢哋。」
蒲台島築鐵網自保
蒲台島居民B叔，早前回島小住，發現先人墳地骸骨四散，慘不忍睹。從附近腳印看來，估計是野豬覓食時亂闖破壞。B叔與B嬸即時執拾，惜有先人的頭骨未尋回，心痛不已。「兩年前就見過幾隻野豬，佢哋挖晒啲木瓜或者蕉樹嚟食，估唔到今次會連骨頭都叼走埋。」B叔夫婦已在墳地四周築起鐵絲網，盼可阻野豬闖入。
記者日前到蒲台島了解，發現不少金塔打開，部分塔身有撞擊裂痕，墳地四周有掘洞痕迹。居民都指是野豬所為，有的更表示野豬常四竄肆虐：「島上至少有幾隻野豬，見過一對大野豬向螺洲方向游去。有時會到碼頭邊嘅學校，四圍搵嘢食。」蒲台島常住居民僅約十個，蒲台島鄉公所主席梁俊文表示：「島上主要係老人家住，好擔心野豬會襲擊佢哋。」
野豬是雜食性動物，浸會大學生物系教授翁建霖解釋：「野豬數量太多，食物不足，佢哋（野豬）去到墳地一樣挖地搵嘢食。」
鰂魚涌屋苑四圍竄
市區民居亦同受野豬滋擾，提心吊膽，憂遭野豬追撞。鰂魚涌大型屋苑的居民區伯稱，他兒子早前目睹野豬在邨內游走搵食，嚇了一跳。另一位居民說：「有次行山，突然有隻野豬喺我背後衝出嚟，响身邊行過，真係嚇死！一定係附近有街坊放嘢食餵啲流浪貓狗，吸引埋啲野豬落山搵食。」記者發現屋苑近山邊處，放了不少載有食物的紙盒，相信有人在此餵飼流浪貓狗，卻招來「不速之豬」。
野豬為患，早前先後到蒲台島及鰂魚涌獵殺野豬的西貢野豬隊隊長陳更表示：「野豬以往只會喺冬天先落山覓食，不過依家差唔多全年都會出嚟活動，而且野豬冇天敵，愈生愈多，為搵食衝落市區一啲都唔出奇。」
狩獵隊做到無停手
○四年漁護署接獲的野豬投訴僅四十二宗，但去年則高達一百九十宗，其中一百八十六宗狩獵隊獲警務處批准狩獵，但僅一百零一次有行動。本港現時只有兩隊野豬狩獵隊，狩獵隊疲於奔命，陳慨嘆：「我哋都係義工，本身都有正職，唔夠時間做。」
漁護署表示，野豬具攻擊性，繁殖速度快，可能會威脅人身安全。遇上野豬時，應保持鎮定及盡量保持距離，切勿主動走近或驅趕。該署呼籲市民切勿餵飼野生或流浪動物，以免吸引野豬前來覓食，造成滋擾。
「我有次行山，突然有隻野豬喺我背後衝出嚟，在身邊行過，真係嚇死！」（鰂魚涌居民）
