政壇：李國章話理論上有黑客
李國章（右）話自己好享受退休生活，暗示無意做醫管局主席。左為胡定旭。
美國中情局前特工斯諾登大爆中文大學都係美國網絡監控對象之一，引來全城關注，但中大校方就否認傳聞。不過，曾經做過中大校長同教育統籌局局長嘅李國章尋日出席公共醫療醫生協會周年晚會時爆料話，其實中大早係○九年都試過被黑客入侵網絡。吓！咁係咪講緊被美國監控？點知佢竟然點頭，講講吓仲話當年佢做校長時都試過被黑客入侵，講緊係○九年前嘅事嘞！但再問詳情，佢就無可奉告喇。其後佢又轉口風話無根據，只係理論上係咁啫！
李國章（右）話自己好享受退休生活，暗示無意做醫管局主席。左為胡定旭。
被大家追問佢係咪會如傳聞所言接任醫院管理局主席一職。佢就矢口否認，又話佢好享受退休生活，最近仲抱孫添，加上目前無人邀請過佢做醫管局主席喎。
