City Snapshot：周國豐買肉問老婆
致電太座
本身係律師嘅社交界名人Brandon周國豐出晒名係住家好男人，對太太Jenny黃泳霖錫到燶，對囝囝禮淳嘅照顧更加係無微不至。日前就喺銅鑼灣時代廣場地庫嘅一間連鎖超級市場內，見到佢一邊傾電話，一邊徘徊喺售賣凍肉嘅雪櫃前面，細心選購。
致電太座
細看標籤
食得放心
為囝囝 最緊要有機
期間聽到Brandon喺電話問對方想買邊種肉類，然後左揀右揀，結果揀咗羊肉同雞髀肉各一包。Brandon話啲肉係買畀囝囝食嘅，但為怕買錯咗，所以打電話問清楚太太先喎，百分百好男人。佢話見咁啱經過銅鑼灣，記起呢間超市有出售有機肉類，所以專程過嚟買埋返屋企。
點解一定要買有機肉類呢？佢解釋，有機肉類冇咁多化學物同添加劑，希望囝囝食得健康啲，身體強壯啲。至於點解會揀羊肉？佢話羊肉脂肪相對其他紅肉較少，而佢仲要揀啲較瘦嘅羊腰肉，咁就唔怕囝囝變肥仔喇！
