SUN搞作:Sun官場現形記:熱血超人
何俊仁
鐵頭仁喺特工走咗之後,突然變咗爆料王。話說尋晚鐵頭仲call咗李衞上佢屋企,一齊同特工「線上聯絡」咁話喎,不過李衞入咗屋之後,發覺「不再安全」,所有嘢都只係騙局……
何俊仁
鐵頭仁:(熱血狀)好多人跟蹤我,我感到我嘅生命受到威脅!但係,因為我阿媽幫我改名叫「鐵頭仁」,所以我決定「捨身成仁」,豁出去頂咗佢……
李 衞:成晚你都無停過口,你會唔會休息吓,畀當事人回應咗先?
鐵頭仁:(熱血狀)你知唔知,當時嘅狀況係幾咁驚險?幾個猛男圍住我,唔畀我走……
李 衞:咁當事人呢?當事人幾時先會上線?
鐵頭仁:(爆血狀)我一個人對抗成個體制,我咪係當事人嚟囉!
李 衞:你話同當事人好熟,仲一齊開P添。可唔可以叫當事人出聲打個招呼?
鐵頭仁:(賣花狀)Party?Yup my Party真係成日開會o架,所以我哋係盡心盡力為港人服務嘅!
李 衞:究竟到戲肉未o架?我要同斯諾登對話呀!
鐵頭仁:(尷尬狀)其實……其實今日我係想做個「遇襲」周年回顧咋。
李 衞:fsg(hy&y*((!
作者︰李衞