【互聯網】美國中情局前特工斯諾登來港踢爆美國監控網絡、侵犯私隱，成日將人權掛喺口邊嘅泛民主派就一反常態唔出聲，好似怕咗華府咁，但斯諾登一離開香港，立法會議員「鐵頭仁」何俊仁就撲出嚟自稱係斯諾登嘅代表律師，又披露斯諾登留港期間嘅詳情，言論被批評有危害斯諾登嘅安全，質疑佢冇律師操守。有網民就改圖寸鐵頭仁係「抽水馬桶」，話佢咁鍾意做代言人，不如就封佢為「潛水型抽水馬桶」嘅代言人「抽水怪76仁」，「有事潛水，冇事抽水」，抽水技術係世界領先，簡直係「愛上抽水每一天」咁話。
