政壇：李小加舞龍 娛金融猛人
李小加「自編自導自演」棟篤笑及舞龍娛賓。
倫敦金屬交易所（LME）亞洲年會的重頭戲LME Dinner尋晚喺灣仔會展舉行，呢個又稱black tie dinner嘅晚宴，第一次喺香港上演，筵開八十圍，逾九百人出席。
李小加「自編自導自演」棟篤笑及舞龍娛賓。
擔大旗收購LME嘅港交所行政總裁李小加，舊年出席倫敦LME Dinner時已大出風頭，今年係自己主場，更加施展渾身解數，喺晚宴上大玩棟篤笑，更加係「自編自導自演」。臨散場時，小加總裁仲未夠喉，仲表演埋舞龍，大家冇聽錯，真係成條長長火龍咁畀佢舞o架。台下嘉賓拍案叫絕，仲講笑咁話佢第日唔撈港交所，都可以進軍演藝事業咁話！
