City Snapshot：火熱巡舖 高偉國捱得
駐足細看
高偉國頂住高溫天氣，喺店舖櫥窗駐足端詳。
高偉國頂住高溫天氣，喺店舖櫥窗駐足端詳。
上周六打風，又焗又熱，當日下晝喺銅鑼灣波斯富街近軒尼詩道嘅天橋見到大慈善家李惠利外孫兼華明行副總裁Timothy高偉國，見佢着住西裝行到身水身汗，急步過馬路直入駱克道路口一間錶行，期間喺舖內外仔細端詳，同職員有講有笑，逗留一陣後就坐上七人車離去。原來佢同朋友食完飯後，順便落去巡視旗下名錶嘅銷情，夠晒勤力。
駐足細看
高偉國頂住高溫天氣，喺店舖櫥窗駐足端詳。
打道回府
速巡銅鑼灣之後，高偉國乘坐七人車離去。
趕往巡舖
雙手插褲袋嘅高偉國，急步過馬路。
中價錶得寵 生意穩步升
銅鑼灣係華明行旗下英納格錶賣得最好嘅主要區域，佢經常落去巡舖。由佢外公李惠利創辦嘅華明行，現已交由第三代打理，Timothy負責香港同海外市場，而佢哥哥兼香港鐘錶業總會副主席高鼎國就負責大中華市場，兩兄弟合作無間。最近鐘錶市道放緩，高價錶失寵，中檔錶成為內地客新歡，以中價錶市場為主嘅華明行咪成為得益者？佢笑笑口話，近排銷情確係穩步上升，但都唔可以掉以輕心ｏ架！
Timothy唔係好活躍於本港青年組織，原來佢放眼內地，現任河南省青年聯會常委。點解選擇喺河南省發展？佢話河南人口多達一億二千萬人，係內地人口最多嘅省份，該省一向係公司嘅主要銷售市場，久而久之，佢自然對當地嘅感情深厚，幾忙都要抽身為當地做啲嘢。
