SUN搞作：擺明七一搶客！你吹呀？
早前，有說香港是個「遊行之都」，因日日皆有遊行示威活動。今天，香港「遊行之都」，應被「謊言之都」取代了！因分分秒秒也有人在講大話，而且，仲係眼都唔眨嗰隻！
喂！建制派在七月一號的慶回歸活動，由以往的上晝舉行，今年特意改在下午，與民陣的遊行同一時段進行，擺明係「搶客」、「打對台」啦！這盲嘅都睇到啦！兼且，由親政府的土共集團領旨擔旗，及有維穩費搵的高興事，開宗明義係玩針對，又如何？但，偏偏，領軍的工聯會頭目至今，仍死口唔認搞對抗，真老土。
工聯會一向給人的印象，是一個字：「土」。形象土氣，辦事手法老土，所以，佢哋行為言論「老老土土」，係正常的！
可是，那件經常帶住啲香港天皇巨星級歌神四出到世界各地演出，見過世面的女經理人，與工會頭目無兩樣，敢做敢拿取「維穩着數」，亦卻不敢認。
經理人話喺七一當日，烈日當空嘅下午二時搞演唱會，係向政府訴求起個永久演出場地，畀藝人有表演機會喎！她更以此理由，吸引到韓國歌星來「為香港演出業」向政府「示威」，哈哈！當被同業岑建勳質疑其「謊話」時，佢只反唇大叫：「我唔知，亦唔想聽」，不作解釋的轉身去！
唉！愛香港今屆政府，有何不妥？幫手撐愛國，反七一，有乜問題？擺明打對台搶客，吹呀？點解咁輝煌威水（不是個個有資格反七一o架）的「義行」，也不敢承認的呢？真可憐！
阿媽教落：「講大話，係無好下場，會畀人恥笑的！」係真o架！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實政府
