SUN搞作：sun官場現形記：激到一肚鑊氣
打工仔辛酸有誰知？仲要有啲無良僱主借頭借路炒大肚婆，有人睇唔過眼，搵埋李衞踩上平機會，竟然見到周一鑊喺度拖地……
周一鑊：拖呀拖，拖呀拖……咦，李衞你嚟就啱喇，你睇我幾唔得閒，要請個拖地CEO返嚟先得呀。
李 衞：你拖嘢咁叻，使鬼再請人咩？
周一鑊：過獎喇，我哋講團隊精神，要拖一齊拖！
大肚婆：唔怪得啦，我依家連個Ｂ都生埋，你都未理過我！你要負責！
周一鑊：你係阿Ann？定係Mary？你好似唔同咗樣喎……
大肚婆：你講，識你咁耐，你連我係邊個都唔知！
周一鑊：我乜都應承你，你唔好同我老婆講就得！
李 衞：你慳啲啦，佢係投訴咗年幾都未搞掂嘅投訴人呀！
周一鑊：＊︿＄＠＆︿＃！
