設計圖片及對白

自由黨之所以畀人叫做「富貴黨」,顧名思義係因為佢哋出晒名疊水,但估唔到年輕黨友想買部雪櫃都要網上籌旗。

設計圖片及對白

早前憑「工潮唔應該被工會介入」言論響朵嘅黨青年團主席李梓敬,尋日喺社交網站呻窮,話說該黨旺角辦事處開張三個月都冇錢買雪櫃,想帶飯嘅同事惟有捱附近嘅「貴價」外賣,請求有心人平賣二手雪櫃畀佢哋,咁佢就無限感激嘞!

富貴黨都呻窮,真係聞所未聞。有網友就留言揶揄該黨大佬前年先落區派咗五萬元家庭電器,仲寸爆話:「架法拉利開少一日油費都喺度啦!」

網友擺明係寸黨魁田北俊喇!不過,李梓敬澄清,青年團工作同地區工作冇直接關係,所以個黨唔會出錢喎。

嘩!冇錢都肯做,睇怕田少聽到不知幾開心,但係做大佬嘅睇到啲口靚咁慘情,係咪仲袖手旁觀呢?

老實講,二手雪櫃又要幾多錢吖,李梓敬呢招網上籌旗行得通嘅話,話唔定有人會捐嚟畀佢呢。

第一手消息請下載on.cc東方互動iPhone/iPad/Android/Windows Phone Apps