黎瑞恩(右)首次與歌手賈思樂(左)合唱,為老友趙耀年(中)捧場。

圓玄學院日前舉行成立六十周年晚宴,逾千名城中宗教領袖、慈善團體及政商界名流齊送上祝賀,場面好墟冚。圓玄學院主席陳國超細數圓玄一甲子走過嘅足迹,希望未來繼續宣道弘毅,為社會有需要人士送暖。

黎瑞恩(右)首次與歌手賈思樂(左)合唱,為老友趙耀年(中)捧場。

前全國人大常委曾憲梓新抱「小恩子」黎瑞恩亦現身捧場,雖然佢放低支咪多年,但當晚再為慈善而唱,再度演繹當年名曲《一人有一個夢想》,甜美聲線未變。問小恩子暑假有冇打算帶小朋友去玩,佢就甜笑話十歲大女同八歲細仔將一齊參加海外遊學團,返港後全家將會去泰國度假,事關小朋友好鍾意游水。仔女年紀咁細,放心畀佢哋去遊學咩?佢表情好認真話,訓練子女獨立更加重要。

第一手消息請下載on.cc東方互動iPhone/iPad/Android/Windows Phone Apps