政壇：霍啟剛升呢 勁騷響頭炮
霍啟剛（左）同李文斌（右）齊瞓身宣傳活動，莫非想為上任響頭炮？
香港青年聯會將於七月換屆，常務副主席霍啟剛將「升呢」做主席，副秘書長Edmond李文斌亦將榮升副主席。尋日佢哋齊現身為六月三十日舉行嘅「鋒雲」論壇瞓身宣傳，另外亦宣布會喺十一月舉行一個創業比賽，推動年輕人勇於嘗試，預料兩項活動共耗費唔少於五百萬元。咁揼本，莫非佢哋要為上任打響頭炮？
霍啟剛（左）同李文斌（右）齊瞓身宣傳活動，莫非想為上任響頭炮？
據啟剛介紹，有關論壇將於亞洲國際博覽館舉行，邀請藝人謝霆鋒同阿里巴巴集團主席馬雲等成功人士，同年輕人分享創業心得。佢話今次請到馬雲演講好難得，事關年前菁英會都曾經邀請過對方來港演講，由佢負責接待。點知演講前一日，馬雲突然有緊急會議要開，未能準時登機來港，最終要包架私人飛機，趕喺半夜抵港，並出席翌日活動，令啟剛印象深刻。
