劉嗡衝出香港，蜚聲國際？上星期先辭去人民力量主席嘅「劉嗡」劉嘉鴻日前親身飛去睇法國網球公開賽，見證瑞士球王費達拿贏波。點知劉嗡「難逃法網」，畀歐洲體育頻道Eurosport捕捉到佢觀賽嘅一刻，劉嗡辭去黨務後成身鬆晒，唔怪得個樣前所未有咁寬容啦!但網民睇見劉嗡飛到法國仲以專業西裝look睇波，都紛紛質疑張相係咪改圖。
