CITY SNAPSHOT：朱國良學潛水有妻相伴
朱國良同太太彭慧玲夫妻檔學潛水，大呼過癮。
鐘錶業總會前主席朱繼陶公子Ambrose朱國良同太太Ling彭慧玲都係愛運動之人。日前佢哋孖住出席活動時話，近日一同愛上潛水，嚟緊仲會齊齊飛去菲律賓考進階潛水牌添！不諳水性嘅Ling話，雖然唔識游水就學潛水，心理壓力會大啲，但既然老公鍾意，佢點都會克服困難喎！
朱國良同太太彭慧玲夫妻檔學潛水，大呼過癮。
Ling話老公不嬲都鍾意戶外運動，尤其係水上運動，一到夏天就拉埋佢去扒艇，結果曬到變朱古力。所以今次佢決定帶老公學潛水，潛落水底，唔使曬到咁黑喎。兩夫婦一直都喺香港水域潛水，今趟首度去菲律賓潛水，佢哋異口同聲話好期待。
