低頭填表
入投注站前，林煥光忽然戴上鴨嘴帽，耷低頭好專注咁填六合彩券。

唔少打工仔都夢想中六合彩發達，原來行政會議召集人WK林煥光都鍾意碰下運氣。早幾日傍晚喺尖沙咀港鐵站見到一個熟口熟面嘅人，點解話熟口熟面呢？首先係認得個西裝背囊look囉，事關呢個look係WK一貫嘅着法，仲有佢嗰頭灰白髮。當時正值放工時間，港鐵站內人頭湧湧，佢仲戴埋口罩。唔知佢係想保障個人衞生，抑或怕畀人認出呢？

低頭填表
入投注站前，林煥光忽然戴上鴨嘴帽，耷低頭好專注咁填六合彩券。

林煥光

戴罩走人
買完六合彩後，林煥光除低鴨嘴帽，又戴番口罩。

喺尖沙咀出站之後，見佢經國際廣場出口往漢口道。呢個時候佢除低口罩，但又忽然笠咗頂鴨嘴帽，遮住大半塊面，真係冇乜人認得佢。跟住去邊呢？見佢迅速轉入投注站，仲好純熟咁走到去票箱前，攞咗一疊六合彩券，然後搵咗張枱，埋頭畫「冧巴」，足足畫咗近五分鐘，然後再到自助投注機前下注。

買完六合彩後，ＷＫ踏出投注站立即除帽大解放，好似乜嘢都冇發生過咁，繼續慢條斯理走入港鐵站，之後又戴番口罩坐港鐵。吓！唔知嗰期六合彩佢有冇進帳呢？

第一手消息請下載on.cc東方互動iPhone/iPad/Android/Windows Phone Apps