SUN搞作：Sun官場現形記 ：唔理「佳人」
設計圖片及對白
尋日李衞喺中環行街「收料」，竟然畀我喺間貴價飯店撞到「揚名香江」臭屎一籮籮嘅貪曾貪湯。為咗捕捉雙貪出動呢個咁歷史性嘅畫面，李衞匿埋偷聽佢哋嘅對話，然後，不禁「慶」到爆！
設計圖片及對白
貪曾：（捶胸狀）紅顏知己畀人爆大鑊，終於向我哭訴。身為男人，保護唔到女人，我真係無用！
貪湯：（同情狀）聞者傷心，聽者流淚，我實在感同身受。你有無安慰佢？
貪曾：（哭泣狀）嗰陣食緊飯，我選擇立即離開，連張單都無埋。
貪湯：（愕然狀）咁都得，你仲算係個「負責任」嘅男人咩？起碼都學吓我，煲番碗當歸畀位Lady定一定驚啦！
貪曾：（辯論狀）我學嗰個鬼佬「斯樂冰」咋！
貪湯：（疑惑狀）你又有料爆？
貪曾：（驚慌狀）唔係！風頭火勢，梗係學佢搵「漏洞」走佬避難啦！呢排暑假，機位好full，連去瓦魯阿圖都係淨番個廁所位……正所謂大難臨頭各自飛，我帶唔到佢去㗎！
貪湯：ghfg($(^%&***!!
