SUN搞作:Sun官場現形記:淫師橫行
呢個年頭,真係禮崩樂壞呀!李衞講嘅係呢排啲校長教師,都牽涉風化案,教師品德情況令人憂心。李衞私底下就同主管教育、機不離手嘅「吳得掂」吹水,開始都明白點解咁失敗喇……
李衞:淫師咁多,你叫人點放心呢?
吳得掂:我明白你嘅顧慮,但係唔評論個別事件。
李衞:教人嘅人都咁樣,畀人教嘅人再去教人,咁樣一蟹不如一蟹,都係個別事件?你知唔知咩係身教呀?
吳得掂:考試唔考身教。我哋只係睇成績同埋專家報告。
李衞:吓,咁孔子係唔係專家呀咁?
吳得掂:佢係哈佛定係牛津畢業先?
李衞:咁無嘢喇,總之呢面錦旗我想送畀你。
吳得掂:多謝。請問上面寫乜呢?
李衞:吳得掂,搞教育找李衞,放過學生!