政壇：搞搞政：吳秋北硬銷工記夠實惠
設計圖片及對白
今年七一有商界大搞購物優惠，有幾百間商戶參與，但呢啲優惠就吸引唔到工聯會（工記）理事長吳秋北，佢話冇咩特別嘢要喺七一買，事關工聯會轄下嘅優惠中心已經夠實惠，佢賣花讚花香唔出奇，但七一優惠橫跨好多行業，而且工聯會都有份搞七一購物優惠，吳秋北唔驚畀人話佢倒米咩？
設計圖片及對白
吳秋北話，佢平日不時會行吓工記嘅優惠中心，因為夠晒實惠。至於邊度有工記嘅優惠中心呢？佢話九龍同港島區都有，但由於難搵舖位，而且租金貴，所以新界方面就開唔到幾多間喇！新界舖租冇理由貴過港島同九龍區啫？抑或係工記進軍新界區唔理想呢？
啱啱去完瑞士日內瓦開國際勞工大會會議嘅吳秋北又話，相信香港嚟緊將更積極探討標準工時立法等勞工議題。雖然知道標準工時立法好難達成共識，但認為探討係要大家理性溝通，如果一口咬定某啲結果嘅話，就乜都冇得傾喎！
