政壇：科大開荒牛黃玉山走埋
港區全國人大代表兼科技大學副校長黃玉山明年就會過檔公開大學做校長。科大校長陳繁昌尋日孖住黃玉山出席活動時，明言好唔捨得黃玉山走，因為當年嘅十位科大「開荒牛」教授，幾乎全部退晒休，只剩黃玉山一個。黃玉山話，喺科大執教鞭多年，對校園一草一木都好有感情。雖然唔捨得，陳繁昌都好衷心恭喜黃玉山，二人更合照留念。
話說當年科大由十個教授合力創校，設計課程、收生等細節都要一腳踢。自一九九○年起加入科大嘅黃玉山係創校成員之一，雖然期間佢曾經跳槽城市大學出任副校長，但始終對科大情有獨鍾，○六年重回科大。
