SUN搞作：SUN官場現形記：空中花園揭秘
設計圖片及對白
李衞向來對於古今治亂興衰都好有興趣，之前咁啱歷史博物館有個展覽，就講古巴比倫嘅歷史，點知當李衞陶醉喺歷史嘅汪洋大海之際，竟然好掃興咁見到貪曾父子，依家諗番起先知同貪曾愛將僭建有關……
設計圖片及對白
大貪曾：仔呀仔，你今日唔使落老蘭咩？
小淫曾：Daddy，豹妹玩厭喇，我要新刺激！
大貪曾：新刺激？海上皇宮、總統套房都住過，對於老竇嚟講，好難再有新刺激。
小淫曾：Daddy，Daddy！你睇吓，係空中花園呀！
大貪曾：咦，乜佢哋學我起空中花園？
小淫曾：唔好咁大聲啦，人哋巴比倫幾千年前就識起啦！
大貪曾：係？佢哋都好似我咁識歎喎！仔呀仔，你很想要吧？
小淫曾：梗係啦，嗰陣喺禮賓府開Ｐ畀人踢爆，深圳嗰間禮賓府仲衰，住都未住過，我同普通香港年輕人一樣，都想要自己空間呀！
大貪曾：唉，乖仔，Daddy依家畀人睇實，唔方便出面整畀你……
小淫曾：唔制呀！唔制呀！
大貪曾：好好好！乖呀，Daddy試吓搵啲舊部愛將幫吓手啦……
小淫曾：好嘢！Daddy錫晒你！日日要親親Daddy！
