政壇：政商定格：胡炎松細談功夫茶文化
胡炎松話功夫茶當中大有學問。（徐家浩攝）
潮州人鍾意飲功夫茶，仲發展咗一套奉茶文化添，潮州商會會董胡炎松話，只要從潮州人以茶奉客嘅細節，就可以發現好多毋庸言傳嘅訊息。佢話潮州人「飲啖茶，慢慢傾」，如果主人一見有客來訪，就立即更換壺中茶葉，意味視客人為上賓，並將以珍藏茶葉奉客。反之，大家傾談良久，杯茶愈飲愈淡都無意更換茶葉，即暗示對方唔想再「嘥口水」，客人遇上咁嘅情況就要知機識趣喇。
胡炎松話功夫茶當中大有學問。（徐家浩攝）
咁點解潮州功夫茶嘅茶杯數量永遠比在座人數少？胡炎松話，咁做嘅目的係要分配不均，從而達致賓客之間互相謙讓，能夠獲得對方「讓出」茶杯嘅客人肯定覺得倍受尊重，從而營造融洽嘅傾談氣氛。
至於斟茶方面亦好講究，務求每杯茶嘅茶質皆厚薄一致，代表一視同仁咁話喎。
