減肥前

港台商貿合作委員會主席李大壯（David）外形好易認，唐裝衫加大肚腩幾乎係招牌，不過，日前見佢出席一個公開活動，身形赫然縮水幾個碼，連昔日唐裝下嘅大肚腩都冇晒影，顯得唐裝衫都有啲空蕩蕩。點解David激瘦嘅？佢笑笑口話，四月初開始下定決心減肥，每日堅持行一萬步，又戒食肥膩嘢，多菜少肉，就係咁，兩個幾月已成功搣甩三十磅。

減肥前

減肥後

佢嘅龐大身形維持多年，家吓係乜嘢動力推動佢大瘦身呢？David嘅答案好冧嘅，因為老婆想同佢白頭偕老！都市人經常將減肥掛喺嘴邊，有啲為咗靚、有啲為咗健康，David嘅原因既為健康、更為愛情，太太聽到真係心甜。咁佢嘅瘦身目標達到未呀﹖David話唔夠，仲要減多十磅喎！

第一手消息請下載on.cc東方互動iPhone/iPad/Android/Windows Phone Apps