政壇：鐵醫盧寵茂斷黃金右腳
盧寵茂（右二）踢波唔戴護脛，唔知係咪因為咁而出事呢？（受訪者提供）
本港換肝權威兼香港大學外科學系系主任盧寵茂，前幾日偷閒同成班皇仁書院校友踢足球賽，仲同聖若瑟書院對戰，點知畀人踢親隻「黃金右腳」斷骨入廠，要做手術鑲鐵片同釘駁番好啲骨，依家喺屋企養傷，佢自嘲今次「做咗真正嘅鐵醫！」
盧寵茂（右二）踢波唔戴護脛，唔知係咪因為咁而出事呢？（受訪者提供）
鐵醫笑言，今次做「足球老將」，受傷都係捧瑪麗醫院場，仲以「主場之利」搵番同事幫佢做手術駁骨。為免霸住張病床，佢尋日已出院返屋企休養，聽日就火速復工，佢慨嘆有排都冇得再踢波，甚至連揸車都揸唔到：「無計啦！碧咸都要收山啦！」如果家吓要做換肝手術閒閒地都要長企幾粒鐘，佢得唔得o架？盧龐茂話「一係單腳企，一係坐住做囉！」
