政壇：林鄭入廚好驚青
林鄭月娥（左）同李國棟合力炮製一道「泮塘曉月滿生輝」菜式。
香港聖公會福利協會尋日為旗下社企舉行開幕禮，除咗福利協會執委會主席李國棟主禮外，仲請咗政務司司長林鄭月娥主禮。期間李國棟唔知因乜嘢事咁緊張，開口夾着脷，將林鄭好關心呢間社企「好．廚房」講成「好擔心」呢間「好．廚房」。
林鄭月娥（左）同李國棟合力炮製一道「泮塘曉月滿生輝」菜式。
林鄭致詞時話咁好嘅廚房，又唔係「熱廚房」，冇乜擔心，淨係擔心要同李國棟一齊炒餸。雖然林鄭有大師在旁指導，但都表現得戰戰兢兢。最後兩人都合力煮咗味「泮塘曉月滿生輝」，佢哋試味時仲大讚自己煮得好味添！
