政壇：政商定格：利子厚請蒙古舅仔歎海鮮
利子厚話特別開燒烤大會，款待來港度假的蒙古籍舅仔。
馬會大董利子厚（Michael）前日同佢舅仔，喺中環ifc一間超市選購燒烤食材，Michael嘅舅仔係蒙古人，近日來港度假，佢身為姐夫梗係要好好招待啦，所以同太太邀約兩三位好友到屋企開燒烤大會。
利子厚話特別開燒烤大會，款待來港度假的蒙古籍舅仔。
鑑於蒙古人嘅飲食習慣係鍾意啖啖肉，加上蒙古國位處內陸難以品嘗海鮮，所以Michael同舅仔一踏入超市就先揀選幾件靚牛排，然後去到海鮮專區揀咗三隻生猛游水龍蝦，仲委託店員代為清洗同開邊斬件，返到屋企就可以立即上架烤喇。Michael話，蒙古人較少接觸海產，對海鮮腥味零舍敏感，好似佢太太曾經喺新加坡生活過好幾年，先比較接受海產嘅氣味，但仍會偏好口味較濃嘅烹調手法以求辟腥，而胡椒炒蟹就係佢太太喜愛嘅海鮮菜式。
