政壇：政商定格：準新郎蔡加讚升任馬主
蔡加讚（右）同汪圓圓結婚前夕，再傳出躋身馬主喜訊。（資料圖片）
「玩具大王」蔡志明嘅囝囝蔡加讚（Karson）及女友汪圓圓即將拉埋天窗，婚禮籌備得如火如荼之際，準新郎Karson又咁啱抽中下一季自購馬名額，即將首次躋身馬主行列。多年冇養馬嘅蔡志明，今次亦喺下年度自購新馬抽籤中選。Karson呢頭聽完好消息，尋晚已起程去瑞士洽談鐘錶生意！
蔡加讚（右）同汪圓圓結婚前夕，再傳出躋身馬主喜訊。（資料圖片）
Karson好開心話，今次係佢第二次抽籤購馬匹，估唔到咁幸運就得咗，直認係喜上加喜，嚟緊佢會多啲入馬場喇，對於爸爸亦中籤，佢笑笑口話要打電話恭喜爸爸喎！問到婚禮籌備進展，Karson話主要交畀女友籌辦，進展十分順利，依家開始揀定婚紗及禮服，並着手安排婚宴嘅流程及細節，包括賓客名單，呢部分少不了要問父母意見喇！
