政府設施冷氣槽勁污糟

綜合大樓分屬不同部門負責

康文署康樂事務職員總工會主席張兆榮指出，工會近年亦收到不少會員投訴，指政府設施大樓的室內空氣質素差，致經常出現呼吸系統毛病，因此今年三月與部門開會時，向部門高層反映，要求部門全面檢查政府各類公共設施大樓，包括圖書館、室內泳池、體育館及辦公大樓的室內空氣質素情況。他指出：「有啲圖書館下面係街市，啲人喺圖書館成日話聞到雞味，咪就係因為通風有問題，將街市啲味抽埋入圖書館。」

他表示，多人使用的公共設施，例如公共圖書館、體育館等，應該定期全面清洗冷氣系統，但目前康文署將有關工作交予外判承辦商處理，有關清潔工人只會清理冷氣系統表面，「有啲冷氣機放喺幾米咁高，佢哋只會攞啲雞毛掃掃下，隔塵網都未必會拆落嚟洗，更遑論中央冷氣系統，唔通叫啲清潔工人入去洗啲冷氣槽咩！」他又指部分圖書館位處綜合大樓，下有街市上有社區會堂，分屬不同部門負責，要協調才可進行大清洗，亦增加清洗冷氣系統的難度。

張指大型清洗冷氣系統要由機電工程署負責，機電署以營運基金運作，會要求部門「埋單」付鈔，若多個圖書館要進行大清洗，耗費不菲，部門未必有預留資金支付。