SUN驚奇：居民怨損社區結構
港人聞之生厭的水貨客，嚴重擾亂北區秩序及區內市民應有的生活，改變原有的社區結構。深受其害的北區市民，提起水貨客就一肚氣，怒轟當局裝聾扮盲，令水貨客變得更「無王管」。
「以前上水區好簡單，有好多小店，依家條條街都係藥房、水客店，間間舖都賣水貨，搞到成個水貨城咁。」上水居民胡小姐直言，這正正代表了北區居民的心聲，個個提起水貨客都怨聲載道。
「水貨客除咗搶晒我哋嘅物資，仲無乜人性，見我嫲嫲坐住輪椅都推跌。」家住上水的鄒小姐深受其害，直言政府應加強執法，嚴打走水貨活動：「一定要取消一簽多行政策，仲要用好多措施打擊水貨客。」而居住北區的唐先生認為，水貨客嚴重改變北區的生活模式，小店及傳統雜貨店消失，取而代之是大型商場及藥房。
