SUN搞作：打橫嚟講：亞視原來有好節目
好多網民話香港亞洲電視台沒有優質好節目。不過，我衷心的要話畀大家知，亞視係有好嘢嘅！就係佢哋新聞部製作的《時事追擊》，逢星期六晚上九點，亞洲本港台播出，這被大家睇漏眼的好節目，若放在無綫播映，其收視一定高過《金枝慾孽貳》，肯定！
上星期《時事追擊》專題講「香港街霸」，直擊食環署如何「無能」、無依法檢控阻街的「街霸」，由花墟路邊，到深水埗街市，至旺角西洋菜街行人專用區，皆因政府廢柴無人執法。
差佬經過，見街霸瘋狂阻路，也視而不理，讓街霸有恃無恐，愈來愈誇張，尤其是那些有財團背景的電訊商，他們用「易拉架」搭成的攤檔，成間舖咁大，掗拃於馬路中央，令途人無路可行。
又話行人專用區上不准「做生意」的，現連睇相佬都開了兩三檔。《時》的記者從街頭到街尾，數出違法「營商」的檔口數目、性質和走法律罅的方法，連普通市民都知的，現又過咗近一星期啦！香港政府（警方）好似白癡仔咁仲未知要點做，毫無行動！那些「街霸」怎會不猖獗吖？
還有，街霸用的揚聲器，嘈到二十樓都要全日關窗，咁嘅「聲霸」又由政府邊個部門負責呢？一班只着眼講大話的高層官員，唔該做吓嘢啦！
連一條街都管唔掂嘅廢柴政府，怎怪人家降低你嘅國際地位呢？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
