政壇：政商定格：馬陳家歡負傷撐東華
剛駁回腳筋嘅馬陳家歡（右），為粵劇籌款晚會落力賣飛，東華三院主席陳婉珍都讚佢善心。
東華三院副主席Katherine馬陳家歡月前打羽毛球時不慎拉斷右腳筋，經手術接駁後，要打石膏休養，但佢為撐東華粵劇籌款活動，日前寧願戴住腳套都要現身。
剛駁回腳筋嘅馬陳家歡（右），為粵劇籌款晚會落力賣飛，東華三院主席陳婉珍都讚佢善心。
Katherine話冇諗過會咁嚴重，後悔當日熱身不足，當聽見「啪」一聲感到一陣痛楚，原來後腳筋已斷咗。幸好佢身體一向壯健，打完一個月石膏，康復神速，近日已可以撐住拐杖慢慢行，但每日仍需做物理治療，重新學習行路。要重拾昔日健步如飛，睇怕要等多四個月喇。
在家養傷嘅日子，佢話反而瘦咗，事關右腳傷咗，用力全靠左腳，不時用左腳單腳跳。跳得多，竟然減埋磅。
