政壇：搞搞政：陳振彬吹雞（目及）實謝偉俊
設計圖片及對白
立法會議員Paul謝偉俊言行出名飄忽，好似早前接受電視台訪問時自爆喺選舉中獲西環助選，結果惹來唔少投訴同微言，要求監察佢嘅呼聲不斷增加。據聞監察重任近日落咗喺身兼港區全國人大代表嘅觀塘區議會主席陳振彬身上，佢將於六月網羅約三十名獨立區議員組成「創建動力」，有人仲形容呢個新政團係「雙刃刀」添！
設計圖片及對白
「創建動力」點解會誕生呢？表面原因係想整合九東嘅勢力，成為繼建仔同白鴿黨後嘅第三大勢力。至於暗中原因就係睇實阿Paul表現，消息指有曾力撐佢上位嘅九東獨立區議員，對於佢過去八個月喺立會難以捉摸嘅表現都有微言，為加強制衡同監察作用，「創建動力」名義上可更好向佢反映民意，佢表現對辦，冇做出任何有逆民意嘅言行自然係皆大歡喜，否則「創建動力」亦可以展示實力，最壞嘅情況係另覓賢能取代佢個立會議席。
至於即將「被監察」嘅阿Paul就回應話，唔覺得被人「睇實」，如果講到監察，全港市民都可以監察佢嘅工作，佢強調同九東嘅獨立區議員都係志同道合嘅好友，大家互相幫助喎！
