SUN驚奇：美容神器陷阱 貪靚亂試發炎致盲
雙眼皮眼鏡潛在巨大風險，隨時會引致永久視覺受損。
雙眼皮、高鼻、性感厚唇，不用開刀便可輕易擁有？近日在坊間及網上熱賣多款「美容神器」，包括設計如半圓形的雙眼皮眼鏡、晾衫夾般的挺鼻器及吸盤式豐唇器，聲稱只要持續每天使用五至十五分鐘，一個月後即可擁有雙眼皮、高鼻樑及豐唇的「整容效果」。不過整形醫生指出，此類美容器不但成效存疑，長期使用更會導致皮膚痕癢、紅腫；眼科醫生亦警告，若使用不當，有機會引致眼皮下垂，出現「大細眼」，甚至令眼角膜留下永久疤痕，視力受損，提醒貪靚男女小心貪出禍！
雙眼皮眼鏡
雙眼皮眼鏡潛在巨大風險，隨時會引致永久視覺受損。
挺鼻器
其中一款夾鼻頭的儀器，聲稱可以「夾走豬膽鼻」。
吸盤式豐唇器
豐唇器容易磨損唇部皮膚，引致發炎。
眼科專科醫生袁尚清表示，使用雙眼皮眼鏡時，容易刮損眼角膜，有機會留下永久疤痕。
自然最靚
岑麗香
「雖然我未試過用，但就咁聽落去都覺得會唔舒服，總之自然就係最靚，我一定唔會試。」
徐淑敏
「我唔信會work囉，個雙眼皮眼鏡咁樣壓住眼皮，好容易會有皺紋，而且好危險！」
唔信有效
張小姐（中學生）
「之前行街都有留意過美容神器，不過我覺得一定無效囉，而且都幾危險，萬一整襯自己咁點算？」
胡小姐（中學生）
「未聽過美容神器喎，但自己唔會想試，始終個樣係天生，唔應該搞咁多嘢！」
天生單眼皮的阿宗一直渴望擁有雙眼皮，「本身我眼形有啲戚起，加上係單眼皮，成日被朋友話望落去好兇狠，所以好想有對雙眼皮。」惟他怕整容會被人笑貪靚，所以遲遲未下決心，近日他在拍賣網站發現自製雙眼皮眼鏡非常熱賣，亦不禁動心。「網頁話呢款眼鏡一個月已經賣出超過七千件，又話只要調校好角度，每日佩戴五分鐘，一個月後便可以有雙眼皮。」阿宗眼見「眼鏡」價錢大眾化，只需四十至五十元，終按捺不住購入。
戴五分鐘 效果僅十多分鐘
雙眼皮眼鏡，外形猶如一副倒轉了的眼鏡，沒有鏡片，扣着眼皮的半圓形鏡框以尼龍製造。使用者需先戴上雙眼皮眼鏡，然後將尼龍鏡框壓着眼皮位置，造出雙眼皮效果。
「真係好神奇，戴咗五分鐘，真係變咗雙眼皮。」不過這神奇效果僅維持十多分鐘，過後又打回原形，不過阿宗亦毫不介懷，「戴密啲咪可以Keep到囉！」
其實騎呢美容產品並不止雙眼皮眼鏡，設計猶如晾衫夾的挺鼻器，以及吸盤式的豐唇器，價錢介乎港幣數十元至八十多元，同樣受追捧。挺鼻器說明中聲稱使用者每天只需夾住鼻樑十至十五分鐘，便可造出高挺鼻子，甚至誇張說：「想幾高就幾高。」
另一款夾鼻頭的美容器，則聲稱可「夾走豬膽鼻」。至於想擁有性感厚唇，只需將豐唇器套在嘴巴，將豐唇器下端伸縮棒往下拉，直至唇部有脹大的感覺，再將末端拉回原位，重複動作數十次，便可打造出豐厚的嘴唇。
不過「神奇效果」隨時是噱頭，實際危機重重。眼科專科醫生袁尚清表示，雙眼皮眼鏡不單未能「單變雙」，更隨時令視力永久受損。
「原理就好似隻手畀人摵完，喺一段時間內會有個紅印，但效果唔會持久，仲好容易整親對眼，嚴重嘅話會盲。」他續指出，半圓形的鏡框以尼龍製造，質地幼細而且鋒利，佩戴時容易接觸眼球，有機會刮損眼角膜，「輕則會整損，增加細菌感染風險；如果刮得深，就會留下永久疤痕，失去部分視力。」
長期佩戴 恐防出現大細眼
由於雙眼皮眼鏡是靠外力壓住眼皮，若長期佩戴，亦會導致眼皮下垂，「如果兩邊用力唔平均，唔單止唔會有雙眼皮，仲有可能出現大細眼。」因此，他建議市民切勿胡亂試用，以免得不償失。
整形外科專科醫生彭志宏表示，人的鼻骨生長期為八歲至十三歲，發育期過後只能靠手術改變鼻型，「每日咁樣夾法，會夾到皮膚出現紅腫、瘀傷。而豐唇器吸出、吸入嘅過程會不斷摩擦個嘴，整損咗都唔知。」如使用者強忍痛楚，會引致皮膚發炎。
衞生署發言人表示，美容儀器的質素不受該署監管，但建議市民使用儀器前，應先了解儀器適用範圍及使用後可能出現的副作用。
