尋日，睇到一個全版刊登咗三十七位立法會議員嘅芳容玉照，呢棚友仔被點相公諸於世，乃因佢哋喺五月三日，不理「超過九成市民反對」的聲音下，漠視民意投下贊成票，通過一億元賑災撥款（廣告係咁寫的），咁都未PK，更PK的係：「（佢哋）同時否決監察賑災款項用途的監察機制，監察捐款用途。」

呢班全是建制派的粉皮，濫捐港人血汗金錢，已「吃裏扒外」啦！仲否決監察捐款機制？比醉湯送禮還更無王管吧！

五年前，香港政府在貪曾主政下豪捐二百億「賑災」起學校，學生從未用過的校舍竟公然拆毀，改建豪宅商場，帳目至今仍唔清唔楚，現再加碼一億？衰唔衰格啲呀？喂你哋喺阿公面前攞彩，但有無諗吓香港人的一億，可以幫到幾多香港人？可以做到幾多嘢！最慶的，仲係你班粉皮無問過我哋竟「自動放棄監察權」，咁做，會令大陸貪官更安心無顧慮地無法無天做壞事，禍國禍港的幫兇，正是你哋呀！粉皮！

但民建聯的譚耀宗說：「血濃於水，就算有所懷疑，都應第一時間義不容辭地捐助，濫用款項不能避免，所以不用監察。」上星期有位北京朋友話我知，全強國人都恥笑港人，原來佢哋個個都拒捐，因今次四川的賑災由幾間「外資公司」攬了上身！捐款總數分畀災民的話，佢哋每人平均可得百幾萬呀！傻仔！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps