SUN搞作：Sun官場現形記：法律面前，青年要忍
李衞有位「學姐」朋友，近排搞咗個青年心態調查，點知佢急怒攻心，完全忘記「學姐」應有嘅風範，向李衞大吐苦水……
學姐：香港青年真係無得救！
李衞：又會嘅？你講咩呀究竟？
學姐：想讀書要借孭周身債，讀得好又係要揸巴士，出嚟遊行又畀人低調通緝，你話係唔係無得救？
李衞：原來係咁，但係起碼我哋有法治，有規有矩，好過內地吖！
學姐：雖然我哋係人人平等，但係有啲人比我哋更平等！
李衞：唉，咁又係，最衰都係嗰幾條友……
學姐：唔止㗎！你知唔知有四成青年唔信「法律面前、人人平等」！
李衞：唔出奇呀。
學姐：唔係呢，呢個數字，我真係好驚訝！
李衞：有幾呀，都唔過半……
學姐：我驚訝仲有六成人誤信「法律面前、人人平等」！
李衞：＄％＠＆！＊＄︿＠︿！
