政壇：政商定格：林健鋒倡立會用「叮叮」召人
周松崗（左）同林健鋒一齊搖「叮叮」鐘鈴。
為慶祝一百五十二歲大壽，香港總商會一如往年請全港市民免費搭電車及兩條渡海小輪航線。總商會嘅立法會代表林健鋒尋日喺西環電車總站附近同總商會主席周松崗一齊主持開幕禮，佢哋各手執一個古老又獨特嘅電車「叮叮」鐘鈴，搖響鐘聲，寓意活動正式開始。不過，唔知林健鋒係咪受到早前拉布議員要求響鐘點人數嘅影響，連聽到電車鐘聲都諗起立會，建議用呢個古老鐘鈴嚟提人開會都幾好喎！咦，咁立會主席曾鈺成會唔會搖鈴搖到手軟？
周松崗（左）同林健鋒一齊搖「叮叮」鐘鈴。
