政壇：政商定格：梁太守規矩排隊買包醫肚
梁唐青儀喺置地廣場一間時裝店行咗一陣，冇買嘢就離開。
前日下晝近兩點鐘，見到特首夫人梁唐青儀單拖現身中環置地廣場。當時佢拎住部手機邊行邊撳，冇幾耐走入一間著名台灣品牌服裝店睇衫，店員主動拎咗幾件衫畀佢睇，但佢睇咗十分鐘都唔多合眼緣，結果冇買到就離開。
梁唐青儀喺置地廣場一間時裝店行咗一陣，冇買嘢就離開。
梁太排隊等候選購食物。
之後佢沿住皇后大道中慢慢行，跟住走入萬邦行旁邊一間位於地庫嘅連鎖快餐店。呵！原來要「醫肚」。店內地方淺窄，遇着午飯時間都幾逼人，但佢好低調咁默默排隊，所以冇人認得出佢。之後佢散叫咗個「黑漢堡」同凍飲唔要薯條添！買完外賣後，佢繼續前行至利源東街一棟大廈，等坐升降機上寫字樓。記者乘機上前同佢打招呼，佢好親切咁微笑，然後話早上只係食咗少少嘢，所以再買個包果腹，最後好nice咁同記者講拜拜。梁太食快餐醫肚，睇嚟都好平民化。
