SUN驚奇：被困應保持冷靜強行拉門好危險

記者測試途中，遇上升降機故障，一度被困，需時近十分鐘才脫險。事實上，升降機故障於本港時有發生，有專家指出，市民遇上事故時，切勿強拉升降機門，應保持冷靜，等候消防員或維修人員救援。

「有啲人驚起上嚟，會嘗試用手強行拉開度門，再走出嚟，但咁做其實係好危險。」香港電梯業總工會理事嚴傑雄警告，升降機故障成因眾多，停頓後可能又會突然重新運作，市民自行逃出，隨時受傷，他說：「如果佢拉開度門嗰陣，部升降機突然郁返，有可能會夾傷手，如果係鋼纜有問題，更有急墮嘅危機。」

他指出，市民遇上升降機故障，必須保持冷靜，然後按響警鐘鍵，等待當值保安通知消防員及維修人員到場。理大機械工程學系工程師盧覺強亦指出，升降機鋼纜斷裂機會低，加上升降機有緊急煞停裝置，市民毋須過慮。