SUN世代：「鬼妹仔」性格愛獨立
十一歲移居美國，Norma移民初期朋友少，閒時留在家，「喺屋企黐住媽咪，喺廚房跟佢煮嘢食，開始研究煮食。」除了母親，父親也熱衷研究烹飪，她說：「我爸爸好叻煮複雜嘅菜，就算依家我要煮鮑魚，都會打電話搵佢求教。」
Norma自認「鬼妹仔」性格，十五歲時就到餐館打工。她說：「嗰時想獨立，唔問屋企攞零用錢，所以去打工。」大學時她更有三份兼職，為將來工作鋪定後路。她說：「當時計劃畢咗業後去銀行工作，所以喺一間大銀行做實習，但因為冇人工，所以又去另一間銀行打工，夜晚再去餐館做嘢。」
向來計劃周詳，從不需父母擔心，所以當她提出放棄銀行高薪厚職時，家人未有驚訝，更拍手支持。
