自香港商品交易所被警方拉人調查，其主席張震遠先生直認經營不善兼辭卻所有公職之後，現立法會主席嘅前行會成員，又係建制派頭目的曾鈺成毫不留情地公開直斥行會「今不如昔」；自由黨黨魁田北俊更狠批行會係「廢廢哋」，並言「與回歸前無得比」。

坊間三流評論員幫香港特區政府說好話，話現今香港政府無能，主因係「廚房太熱」，無人肯加入云云，那真廢話，家下係乜嘢世界，哪處打工仔沒壓力的呢？無叻人肯加盟，原因不少，除了王安石所言「雞鳴狗盜出其門，此士所以不至也」的怕與恥為伍外，也因見光，個個身有屎！所以，願埋堆的「能人」，多是廢到無朋友之流也！

嗱！遠的不說，淨係睇吓海事處處長廖漢波在海難後閃避八個月之久，遭海難家屬詛咒全家後，才鞠躬道歉，咁也不至於肯定佢係廢柴，當佢鞠躬扮死狗後的回應，竟聲稱喺「須徵詢法律意見」喎！吓！如果法律意見話唔使道歉，佢老咪就唔出嚟囉喎！唔該真心認錯啦！廢柴！

上個月碼頭工運熱烘烘時，勞工處長死咗去邊呢，唔係縮埋就係由後門走頭，咁垃圾表現，仲未炒魷，主因係佢哋之上，庸廢嘅垃圾更多，多到有最高層話少咗一兩人都無礙政府運作，更說「現今行會人數比以往的多」，今天看到民調報告指不滿政府和特首的評分，又高升了！一個字：「廢」。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps